Balik-bayan Box

Salamat natapos ko na rin punuin ang 2 Jumbo Box na ipapacargo ko sa Pinas… Syempre lahat na mahal ko sa buhay may pasalubong galing sa akin kahit mura lang ang halaga di ba. Ano na lng ba yung tag iisang PSP yung 3 kong pamangkin, tapos tag isang Flat screen TV yung nanay at tatay ko tapos tag iisang N70 lahat ng pinsan ko. Pero syempre hindi totoo yon. Yung isang kahon don mostly lumang gamit ko mga damit na di ko na maisuot kase masikip na sa akin…. (hu.hu.hu. paano ba pumayat)… bumili din kase ako ng mga gamit sa bahay kaya mabilis napuno yung box .

Pero alam nyo ang sarap ng pakiramdam ng nagbubukas ng package… Halos 25 years din kase nag abroad yung tatay ko .. naalala ko nung mga bata pa kame nauuna pa namin pansinin yung pasalubong kesa sa kanya he.he. nakakaadik pati yung amoy ng bagong bukas na package, ang bango…amoy abroad… tapos mag aagawan kme ng mga kapatid ko sa laruan at chocolate. Haaaay parang kailan lang ako ang pinapadalan ngayon ako na nagpapadala, syempre gusto ko naman maranasan din ni erpat yung joy ng pagbubukas ng package.

Gusto nyo ba malaman ang nilalaman ng cargo box ko….

1. Syempre di mawawala ang chocolate – snickers, toblerone, kisses, Ferrero, M&M. (pampasira ng diet)

2. Mga toiletries sabon, shampoo, toothpaste, lotion etc. etc. (pambigay sa mga kamag-anak, kapitbahay, kachismisan, kakulitan)

3. Syempre toys para sa anak ko, sa pamangkin at inaanak ko. (pagpasensyahan nyo na medyo kuripot si ninang)

4. Perfume – para kay fafa -lacoste , kay madir -victoria’s secret (mama gamitin mo na yung pinadala ko sayo last June wag mo itago sa cabinet), sa mga friends and ibang relative ko – benetton hot and cold mura lang kse dito yun.)

5.Relief goods – mga canned goods, (walang kamatayang spam), palaman, kape, biscuit at kung anik anik na pagkain. Buck up ko yan para sa huling linggo ng bakasyon ko sigurado wala ng pera at least may pang ulam pa.

6. Shoes, Bags, Shirts – para sa tatay ko, mga pinsan at pamangkin ko.

So yan halos ang laman ng box typical na isang kahig isang tukang expat na kagaya ko. Sana naman matuwa sila sa nakayanan ko, kahit nagasgas ang credit card ko ok lang sa akin  basta mapasaya lang sila. Ang sarap kaya ng pakiramdam ng nagbibigay … diba nga Christmas is Giving.

Yahoooo….! 74 days to go Pinas here I come!