Gusto kong pumayat pero di ko magawa…

Marami ang nakapansin na simula ng pumunta kao dito sa UAE ang laki ng nadagdag sa timbang ko, in short ang taba ko waaaaaahhhh….. Parang kailan lang kasya pa sa akin ang mga dala kong damit galing Pinas pero ngayon lahat yata di ko na pwede masuot. Minsan tuloy naiisip ko na ano bang special ingredients ang nakalagay sa mga pagkain dito at ganon ganon na lang kung magbigay ng sustansya sa katawan ko.

Sabagay simula ng napadpad ako dito abot kamay ko na lang ang mga pagkain na pag Christmas ko lang natitikman tulad ng ubas dati rati isinasabit lang namin sa may pinto o kaya naman panglagay lang sa lamesa tuwing Noche Buena. Ngayon kahit araw araw ka lumafang habang nanonood ka ng tv o habang nakasakay ka sa bus pwede.

Isa pang nagpataba sa akin yung mga chocolates dito, biruin mo dati nakakatikim lang ako nito pag may dumating na package galing sa tatay ko o kaya pag may dumating na kamag anak galing abroad. Tapos agaw agawan pa kami ng mga kapatid ko… tapos minsan pa itinatago pa ng nanay ko sa aparador, hala parang gusto pa yatang ipa frame.

Natandaan ko pa noong unang buwan ko dito everyday ako kumakain ng Snickers, as in minsan twice a day pa sobrang favorite ko kase, may time pa minsan patulog na ko at naisipan kong kumain ng snickers ngumunguya pa ko habang nakapikit… adik lang eh.

Sino ba naman ang di tataba eh wala naman masyadong Physical Activity dito. Sa umaga papasok sa office, nakaupo sa byahe ng 2 hours sa bus from Abu Dhabi to Dubai. Pagdating sa office nakaupo na naman for 8 hours. Then nakaupo na naman for 2 hours pauwi ng bahay. Pagdating sa bahay magluluto ng pag kain… tapos kakain… tapos magoopen ng internet tapos matutulog tapos ganon na naman kinabukasan.

Nitong nakaraan lang nagbrowse ako ng Friendster profile ko, tingin tingin ng mga old pix, tapos nakita ko yung picture ko noong unang buwan ko dito sa UAE medyo slim pa ko ng konte. Iuupload ko sana yung recent pix ko same place din sa mall na pinuntahan namin dati.

…………….Before                                                              After

Grabe sa loob ng 9 months ganyan ang itinaba ko paano na lang pala kung abutin ako ng 5 years dito… naku parang ayaw ko na mag imagine.

Gusto ko magdiet pero di ko magawa, ang sarap naman kase kumain. Lahat na yata nitry kong gawin pero laging hanggang simula lang. After six, No rice diet, Fruits and Veggies diet, Gym at kung ano ano pa.

May napanood ako sa Episode ng Boy and Kris nitong nakaraan lang yung 6x meal a day Diet, pero syempre maliliit na serving lang… yung tipong sa platito ka lang kakain, Parang gusto kong itry mukhang madaling sundin tapos sasamahan ko na rin ng 30 minutes walk everyday. Ano kaya effective kaya sa akin… hmmmmmmm…. Let’s See!