Naalala ko nung nasa Pinas pa ako nagtatrabaho ilang beses akong sumubok umapply ng Credit Card at ilang beses na rin akong nareject. Kahit anong daya yatang gawin ko sa pag doktor ng payslip ko at pag suhol sa HR at Account eh hindi pa rin ako maaprove approve. Parang ang saya saya kase magkaroon ng Credit Card parang lahat ng bagay eh abot kamay mo lang. Bukod pa dyan eh medyo sosyal ang tingin sa’yo iba ang dating mo bigatin… pero ang totoo eh wala kang pinagkaiba sa mga kapitbahay mong nangungutang sa Bumbay.
Nung napadpad ako sa disyerto dito ko naisakatuparan ang pangarap kong magkaroon ng credit card. Dito kase ikaw ang hahabul habulin ng mga credit card companies. Wala pa yatang 3 mos. ako dito sa company ko nung napasakamay ko ang una kong credit card na nasundan pa ng isa at isa pa uli. Parang napakahirap tanggihan ang mga agent na napakaganda ng mga sinasabi tungkol sa ibinebenta nila andyan yung walang Annual fee, Low Interest Charge, No hidden charges, Free na ganun free na ganyan. May mga kabayan din na agent na hindi rin mapahindian dahil kailangan nila ng client at dahil wala naman annual fee go lng ng go pwede naman daw hindi ipaactivate at pangdidisplay na lng sa wallet. Pero di naman nangyayari sa totoong buhay na ididisplay mo lng yun dahil pag naubos mo na ang credit limit sa isa mong card eh wala ka ng magagawa kungdi ipaactivate ito.
Sa mga oras na ito eh alam nyo bang gusto ko sumugod sa opisina nila… Gusto ko magdala ng isang bayong na pera at isampal sa kanila sabay gugupitin ko sa harap nila ang Credit card ko. Nakakaasar lang kase ilang buwan na akong na chacharge ng overlimit fee ng 150 AED (roughly around 2K Pesos), nung una hindi sila nag inform na binabaan pala nila ang Credit limit ko dahil daw sa recession chorva na yan kaya na over limit ako. Ok fine andyan na eh naicharge na nila di ang ginawa ko binayaran ko na ng medyo malaki nung sumunod na buwan so ineexpect ko ala ng charges. Pagdating na naman ng sumunod na buwan may over limit fee pa rin ayun mega tawag naman ako sa Customer Service nila. Kung ano anong computation ang pinagsasasabi nila at mga kung ano anong charges, insurance credit shield. Sa totoo lng sa dami ng sinabi ng Pana na CS na sobrang bilis magsalita eh wala kong naintindihan. Yun yata talaga ang totoong trabaho ng mga CS eh ang lituhin at asarin ang mg customer nila.
Plano ko ng iclose yung 3 kong Cards. I’ll just maintain 2 Cards ang hirap din kaseng magmanage ng Finances…. (bwahaha feelingera lang wala naman talagang imamanage). Madalas din kase ako macharge ng late payment iba iba din kase ang due date nila… eh alam mo naman ako memory gap. Basta ang laki na ng kinita nila sa akin… enough na… ayaw na! Gagamitin ko n lng sya pag kailangan kailangan ko lng talaga. (Good Luck sa akin)
May advantage din naman ang pagkakaroon ng Credit Card lalo na pag may emergency n kailangan mo ng pera. Kailangan lng talaga Be Responsible sa pagamit nito. Identify your needs and wants ang think twice or thrice pa bago mo ibigay ang Credit card mo sa Cashier.